DSE History到底如何溫一條DBQ？

History算係小眾科目，一直比較少人share tips，等我作為歷史科 5**過來人定期分享下溫習呢一科嘅要點！

今日想分享一個溫DBQ 嘅技巧！可能你會問，DBQ唔係好似閱讀理解咁咩？A B題都唔可以就我所知去作答～都係望住啲資料去答啫！C題就好似做緊一條Essay咁，到底點先可以對症下藥啊？

知道同學有好多topic會係溫晒DBQ同Essay !! 但大家都知道，Essay係可以七選二，但DBQ係必答嘅，所以理論上可以放棄一啲唔熟嘅topic，選擇唔去溫Essay (例如有人會放棄國際合作/香港史嘅Essay等），但DBQ 雖然就冇得避，但喺史實嘅要求上都少咗好多！所以想重點講講BQ應該要溫乜嘢史實！

第一：年份與事件

建議大家溫習每個topic ，都可以自己製作一條時間線，列舉晒唔同年份發生咗唔同嘅事，當作答DBQ嘅時候，就可以因應觀察資料嘅「出版年份」，推斷內容嘅性質，雖然就冇得答你背咗嘅嘢，但知道幅漫畫/段文字講緊啲乜嘢，都可以令條題目變得簡單啲！

以下漫畫刊於 1939 年，反映漫畫家對當時由兩個歐洲國家簽訂的某條約的看法。

真想知道這蜜月會維持多久？

(b)你認為漫畫家對該兩國關係的前景持什麼看法？試引用資料兩項線索，解釋你的答案。

當作答這類題目時，便能夠因應出版年份（1939）推斷出條約正是《德蘇互不侵犯條約》，亦能夠從緣份推斷B題答案，關係最終隨着二戰爆發，德國的巴巴羅薩行動（1941）告吹。

即使未分析資料內容，仍然能夠透過時間線的複習，事先了解到題目答案，再加以判斷。

第二：國家與事件

當大家溫習到唔同範疇嘅時候，可以格外標出唔同國家喺事件嘅立場/取態/角色，例如

e.g.巴黎和會，美國、英國、法國、代表着唔同態度：

美國執着於極致嘅和平，柔和嘅態度，美國總統威爾遜希望締造更長久的和平，透過同意凡爾賽條約的通過換取十四項建議的取納。

法國執着於復仇，強硬嘅態度，法國總理克里孟梭出於經歷了兩次德國的侵犯（普法戰爭、一戰）決意向德國復仇，亦主導及草擬了凡爾賽條約大部份的內容。

而英國追求勢力均衡，係中立/協調者嘅態度/角色，

參考資料H的用語和論據，指出克里孟梭對法國政府在凡爾賽條約的執行上所抱持的態度。

面對這類型題目，即使未分析資料內容，我們仍能夠得知克里孟梭對凡爾賽條約的態度，再相比於法國政府，得出答案。

e.g.冷戰，美國同蘇聯係敵對，東西歐分別係共產以及資本主義陣營嘅角色，知道咗呢啲背景後，

當作答DBQ嘅時候，就可以因應觀察資料嘅「出版國家」判斷性質（例如係宣傳自己/貶低敵方）就可以提醒自己，資料未必反映到成件事，可能只係出版國嘅一面之詞，唔好跌入答題陷阱。

想了解更多History嘅資訊同學習資源可以click入：https://starshooter.com.hk/products/starshooter-history-s4-6_regular